听日就去买摩托车了,唔知点解,无左前几日果种兴奋既心情,突然觉得好似买唔买都无所谓甘样。觉得买摩托车好似好浪费甘,唔知系咪呢三个月黎已经习惯左踩单车上班呢,晚上又唔使开摩托出去,好似有同无都无咩分别甘。当然,有部摩托车始终方便好多,起码上班唔使再踩15分钟,5分钟搞掂了,可以迟10分钟起身。突然好惊买左之后又会俾人偷,我自己系一个粗心大意既人,我好可能会唔记得,又或者系懒而唔锁车。唔知会唔会唔习惯呢,好似当初头果几日踩单车上班甘,一开始竟然踩出去公路度,踩左几步先醒起自己系踩单车,唔系开摩托车,唔可以踩出公路。踩到去十字路口见到交警,又惊自己无戴头盔,唔知啊sir会唔会捉我,然后先醒起踩单车唔使戴头盔,持续左几日甘既情况。开翻摩托,我好可能会开去行人道,过十字路口用斑马线,哈哈哈,如果系甘就真系搞笑了。点都好啦,买翻摩托车,自己有得开,以后唔使下下问老豆拿车开了,去边都得,唔使烦惊夜翻了。
恭喜……贺喜……